يالله تعديها على خير وتصيب)
من حدّنى أكتب (خماله وعيبه)
يبغى الصراحه مابها شك او ريب
باقولها و الناس كل(ن) وطيبه
الحر ما ينفع بليا ( مخاليب )
والعقل للرجّال (زينه وهيبه)
والسّالفة ماهيب،،،لحية مواجيب
كل(ن) على طبعه يجيبه (حليبه)
بعض المنابت بالمراجل عذاريب
و بعض المنابت للمراجل خصيبه
رجل(ن)يبى طاريه عند الاشانيب
ورجل(ن) يبى طاريه عند الحبيبه
ورجل(ن)يودّى بالسواليف ويجيب
ورجل(ن) سواليفه،،،لفعله تجيبه
ورجل(ن)يغض الطرف عن جارة صحيب
ورجل(ن) عيونه ،، فى محارم صحيبه
ورجل(ن) تسدّ بغيبته يومه يغيب
ورجل(ن) ولا تقدر،،،تسدّ بمغيبه
ورجل(ن)يغيب ويفقدونه هل الطيب
ورجل(ن) ليامن غاب ،، محدٍ دريبه
ورجل(ن)تشوف بخوته لك مكاسيب
ورجل(ن) تشوف بخوته ،، لك غليبه
ورجل(ن)ليا اخطى يرى نفسه مصيب
ورجل(ن) ليا اخطى،،،يراها مصيبه
قلت الصراحه ما بها شكّ او ريب
(كل(ن) على طبعه يجيبه حليبه)
إشره وشرّه كان تبغى المواجيب
(عط حق) تاخذ (حق مابة معيبه)..
ليست هناك تعليقات:
إرسال تعليق